عــالــم " الكـــيراتين " , تعالي هنا تجربتي !! ..

أول شيء بسم الله و على بركة الله , يالله حيهم شلونكم ؟ شخباركم ؟ شمسوين ؟
طبعاً أنا مثلي مثل الكثيرين اللي نبلش في المقدمة و ماندري وش نقول , بصراحة المقدمة
أصعب بكثير من الموضوع نفسه , لذلك خلونا بالكيراتين العالم المليئ بالتساؤلات !!
كم وحدة مننا سمعت عن الكيراتين ؟, كم وحدة شافت نتايجه وانبهرت؟, كم وحدة مننا
حابة تجربه و تتخلص من شوشتها ؟, كم وحدة محتارة؟ , كم وحدة خايفة ؟!! ..
أنا متأكدة تمام التأكد أن الحيرة اللي صابت أي وحدة تجاه الكيراتين جايه من الخوف , أخاف
شعري يتأثر. أخاف شعري يطيح ,أخاف يتلف, أخاف أخاف أخاف ......الخ ..



اليوم أنا جايه لك بتجربتي كاملة ,ماراح أخبي أي شيء و راح تكونون مع تجربتي من الألف إلى الياء ..




أولاً أنا شعري لكتفي, متوسط الخشونة , مو الخشن مرة و لا ناعم, صاير بالنص , لكنه مرة مرة ينفش و لا فيه لمعة بتاتاً




و أنا انسانة أخق خقاً مبرحاً مع اللمعة , ومافي شك اللمعة غير إنها من مميزات الشعر الجذاب ,هي اللي تدل على صحة




الشعر و حيويته , و للأسف شعري يتعرض لعوامل تعرية مرتين بالإسبوع , شامبو + سشوار +مكوى على أعلى حرارة ..




و رغم كل هالتعب و المعاناة إلا أن النتيجة تكون أقل من عادية ,الشعر باهت جدآآآآ و فيه نفشة عظيمة , و ما كان




يرضيني أبد خصوصاً بعد ما أصحى من النوم عشان الجامعة ,ألقى نتيجة اللي سويته من السشوار و الكوي راحت هباءً




منثوراً مع المخدة









لحد ما شفت 3 من قريباتي مسوين الكيراتين , بصراحة حبيته , حسيت إن شعورهم اتغيرت كثير رغم




إن عليها بعض الملاحظات بس تظل أحلى من شعورهم الطبيعية بكثير ..









و بعد ما عرفت بوجود هالإختراع الجديد ونتيجته ,على طول رحت لعمو قوقل و سويت بحوث كثيرة لدرجة إني حسيت إني بسوي






رسالة ماجستير ع الكيراتين ..






نتيجة البحث كانت محيرة جدا جدا جدا , كل وحدة تقول شيء , وكل وحدة ظهرت لها نتيجة , و الأقوال مرة متباينة , و التحذير






موجود ,يا أما من سوء المنتج نفسه , أو من سوء استخدامه و تطبيقه من قبل العاملة , أو التحذيرات الصحية منه اللي شغلت بالنا ..










و استمريت خايفة ونافرة و مترددة لمدة 7 شهور تقريباً ,و مرة في عزيمة سويت شعري بسشوار مشغل بس طلعت نتيجته سيئة , بعد






ما كان سشوار المشغل يخليه حرير و يهفهف , حتى الكوافيرة كانت تقول شعرك مره تعبان ,و بصراحة طلعت متضايقة و فيني الصيحة ,






قلت ما بدهاااااش جربي الكيراتين يا بنت و توكلي ع ربك ..














دقيت ع وحدة كنت مسجلة رقمها عندي .تحاورت معها و طرحت عليها تساؤلاتي و جاوبتني ع كل شيء , و من حديثها كنت مرتاحة






و تفاهمت معها و جتني البيت ..












أول شيء : قالت لي غسلي شعرك بالشامبو مرتين قبل ما أجي, و لما جت هي غسلته مرة ثانية بشامبو خاص و كانت تفركه بقووووة






بعدها استشورته بشكل كامل و حطت عليه مادة و قالت بنخليها نصف ساعة ,,و جلسنا هالنصف ساعة نتقهوى , بعدها صارت تكوي






الشعر خصلة خصلة ع درجة حرارة عاااالية جداً , بصراحة كانت هالخطوة متعبة و تملل خصوصاً إن شعري كثيف ..









أخذنا تقريباً ساعة ونص كوي , يعدها غسلته و حطت عليه مادة ثانية ريحتها مررررة خاااايسة و قوية , و جلست تكويه مره ثانية خصلة






خصلة ,, و أخذت تقريباً نفس الوقت ..






بعدها قالت لي : خلي هالمادة ع شعرك لمدة 3 أيام , ولا تربطينه , ولا ترفعينه ,و خليه ع هالوضع دايم , وحاولي تكوينه كل يوم , وإذا






جاه مويه ع طول اكويه ..









و أنا طبقت هالشيء بالملي الحمدلله , وبعد مرور الثلاث أيام غسلته طبعاً بالشامبو الخاص و حطيت البلسم ,






وكان شعري وآآآآآو ماشاء الله ..






مرة متمدد و لا فيه تعرجات أو نفشه , جففته سريع و طلعت نتيجته كأنه مستشور ..






راضية عنه كثير الحمدلله ..و الآن لي شهرين مسويته ..













الإيجابيات :









1/ تمدد و إختفاء الطعجات ..






2/إختفاء النفشة و سهولة التسريح ..






3/ ما فيه تساقط لحد الآن و الله يديم يارب ..






4/زادت اللمعة بنسبة 40% تقريباً ..









السلبيات :










1/ أطرافه واقفة شوي , يعني يحتاج تلفيف ..






2/ نتيجته تكون جميلة بعد الشاور مباشرة , يعني بسرعة يلزق و أحلى شيء






تتروشين وتجففينه و ع طول ع مناسبتك أو طلعتك ..






3/ اللي يشوف شعري يعرف طبيعته الأصلية , صار كأنه مستشور بطريقة إحترافية.






بس ما صارت الشعرة ناعمة كأنها طبيعية لا <<فهمتوا مقصدي ؟..